„ОСМАНИ ПЛАНИРА ДА ЗАМИНЕ ОД ПОЛИТИКАТА“ Секој глас за него е изгубен глас, велат од кабинетот на Таравари

Шефот на кабинетот на Арбен Таравари, Арбен Фетаи, на Фејсбук напиша дека противкандидатот Бујар Османи од ДУИ се подготвува да замине од македонската политика, а дека за тоа сведочи и одложување на рокот за поднесување кандидатури за функцијата генерален секретар на Советот за регионална соработка.

Арбен Фетаи пишува:

„Бујар Османи подготвува заминување од политиката. Секој албански глас за него е изгорен глас. Бујар Османи застана на страната на Вучиќ и се ракуваше со Лавров затоа што цели на функцијата генерален секретар на Советот за регионална соработка каде што му е потребна поддршката од Србија и нејзините сојузници.

За тоа сведочи и одложувањето од страна на МНР на Северна Македонија на рокот за поднесување кандидатури од земјите-членки за дополнителен месец, до 25 април, односно еден ден по претседателските избори.

Како актуелен претседавач со Процесот за соработка во Југоисточна Европа, МНР на Северна Македонија има можност да прифати кандидатури за наследник на Мајлинда Брегу, која ќе го заврши својот мандат на крајот на годината. Бујар Османи го злоупотреби своето претседавање со овој механизам за да ѝ одговара на неговата агенда до неговиот пораз пред Арбен Таравари ноќта на 24 април.

Но, и овој план нема да му успее на Бујар. Тој може да ја поднесе својата кандидатура како губитник на 25 април, но новата влада на движењето ВРЕДИ(ВЛЕН) нема да ја поддржи неговата номинација до јулскиот одбор на Советот за регионална соработка. Не се сомневам дека неговата номинација ќе биде блокирана од Владата на Косово.

Бујар Османи секако ја има поддршката од Вучиќ и Додик, но Владата на ВЛЕН и таа на Ветевендосје нема да дозволат да бидат претставени од оние кои го нарушуваат националниот интерес продавајќи му се на Вучиќ за валкана фотелја“.