📽️ 📷 ОРГОМЕН ЛЕД-ЕКРАН ПАДНА ВРЗ ПУБЛИКА ВО „ТОП ХИЛ“ Бура го уништи спектаклот на Конор Мекгрегор во Будва
Големиот спектакл на „BKFC“ во Будва беше прекинат поради бура, едно лице заврши во болница, а најочекуваните борби не се одржаа.
Едно лице е повредено синоќа во познатиот клуб „Топ Хил“ во Будва, кога за време на бура падна голем ЛЕД-екран врз публиката. Еден гледач заработи сериозна повреда на главата, по што со носилка беше изнесен и итно пренесен во болница.
View this post on Instagram
Несреќата се случи додека во клубот се одржуваа борби во рамките на најбрзо растечкиот боречки спорт во светот – „bare knuckle fighting championship“ (BKFC). Силниот ветер и дождот ја прекинаа програмата, па организаторите беа приморани да ги одложат главните борби.
View this post on Instagram
Будва синоќа беше домаќин на голем спектакл со борби на голи зглобови, кој дополнително доби на тежина со присуството на ѕвездата на ММА, Конор Мекгрегор. Публиката уживаше во серија атрактивни дуели, од кои многу завршија со прекини, но силното невреме ја расипа вечерта.
View this post on Instagram
Заради безбедност, предвреме беа откажани двете најочекувани борби – Васо Бакочевиќ – Психо против Вилхелм Ото и Бојан Косендар против Петр Ражов, оставајќи голем дел од фановите разочарани.
View this post on Instagram