ОПШТИНАТА И МИНИСТЕРСТВОТО СЕ ЗАДОЛЖЕНИ ЗА МАРКОВА РЕКА Од Град Скопје велат дека повеќепати апелирале да се чисти коритото
Град Скопје во неколку наврати досега апелираше до надлежните во општината за потребата од чистење на каналите и коритото, но апелите за жал не наидоа на резултат од страна на одговорните, се вели во соопштението.
Одржувањето на Маркова река е во рацете на општина Студеничани и на Министерството за животна средина и просторно планирање, соопшти Град Скопје. Оттаму велат дека повеќепати досега апелирале до општината за потребата од чистење на каналите и на коритото.
„Согласно актуелните акти на Министерството за животна средина и просторно планирање, и актуелниот ГУП донесен во време на Коце Трајановски надлежноста за одржување на одводните канали и коритото на реката Маркова Река е во директна надлежност на општина Студеничани и Министерството за животна средина и просторно планирање.
Градот Скопје нема никаква надлежност за постапување на овие канали и коритото на реката.
Градот Скопје во неколку наврати досега апелираше до надлежните во општината за потребата од чистење на каналите и коритото, но апелите за жал не наидоа на резултат од страна на одговорните.
За дезинформациите ќе бараме и правна одговорност. Во овој момент екипи од Противпожарната бригада на Град Скопје, ЈП Водовод и Канализација и останатите претпријатија на градот Скопје се на терен и активно помагаат во спречување на дополнителни штети и санирање на веќе настанатите“, соопшти Град Скопје.