Општина Тетово набави 300 лаптопи за ученици за настава на интернет
Општина Тетово информираше дека се набавени 300 лаптопи за ученици кои немаат соодветна опрема за следење настава на интернет.
-Општина Тетово започна со дистрибуција на лаптопи за учениците кои немаат опрема и не можат да го следат процесот на учење на интернет. Станува збор за 300 лаптопи кои учениците ќе ги користат дома се додека трае одлуката на Владата за затворање на училиштата и онлајн-наставата, соопшти Општина Тетово.
Инаку, службениците од Секторот за јавните дејности при Општина Тетово со директорите на училиштата одржуваат онлајн-состаноци во кои се координираат активностите за одржување настава од далечина.
Проценките се дека 30 отсто од учениците поради немање интернет, компјутери и од други причини не можат да следат настава на интернет.