ОПШТИНА ЦЕНТАР ЗАТВОРИ ГРАДИЛИШТЕ НА ВОДНО Објектот е граден без дозвола за градба

И покрај добиеното решение за прекин на изградбатата, инвеститорот продолжил со изградба на објектот.

716

Секторот за инспекциски работи на Општина Центар затвори градилиште на Водно, на улицата „Христо Чернопеев“ бб. Овластен градежен инспектор доднесе решение со кое се наредува на инвеститорот, физичко лице со живеалиште во Струга, во законски предвидениот рок да прекине со сите градежни активности и да ја отстрани градбата, информираат од општината.

„Се работи за објект од втора категорија со намена А1 – домување во станбени куќи, со димензии 11.8 метри на 8.9 метри, изграден од армирано бетонска конструкција на улица „Христо Чернопеев“ бб, дел од локалитетот Тасино чешмиче 1 и Тасино чешмиче 2. На инвеститорот на објектот, овластен градежен инспектор на 20.7.2021 година, му издал решение со кое му се наложува итен прекин на градежните работи. И покрај добиеното решение за прекин на изградбатата, инвеститорот продолжил со изградба на објектот, спротивно на издаденото одобрение за градење и заверениот основен проект“, тврдат од Општина Центар.






Оттаму додаваат дека врз основ на член 134, став 1, алинеа 3 и 4 и член 137 став 1 од Законот за градење, овластен градежен инспектор постапувајќи по службена должност, изврши контролен инспекциски надзор и донесе решение со кое му наложи на инвестирот во зададен рок да ја отстрани градбата.

„Во спротивно, општината ќе пристапи кон присилно административно извршување, со што трошоците од извршувањето ќе паднат на товар на инвеститорот. Упатуваме апел до сите инвеститори и сопственици на нелегални објекти, да постапуваат по издадените решенија за отстранување на објектите. Во спротивно, како во овој случај, така и понатаму, општината присилно ќе ги отстранува oбјектите, со што трошоците за отстранувањето паѓаат на товар на инвеститорите, односно сопствениците на нелегално поставените и изградени објекти“, велат од Општина Центар.

Поврзани содржини