Опожарено возило на патот Тетово-Скопје, нема повредени
Возачот и сопатниците успеале да излезат навремено и да се спасат од повреди.
Нема повредени лица во пожарот што избувнал во автомобил претпладе околу 10.30 часот на автопатот Тетово-Скопје. Поради пожарот изгоре патничко моторно возило марка „мерцедес “со гостиварски регистарски ознаки.
Можеби ќе ве интересира
– Станува збор за возило кое се запалило во движење на автопатот во правец кон Скопје. Возачот и сопатниците успеале да излезат навремено и да се спасат од повреди. Интервениравме со три возила – информираше Ука Алити, командант на тетовската против пожарна единица.
И на почетокот на месецот на 8 јуни имаше пожар во возило исто така мерцедес, што се случи на стариот пат Тетово-Скопје.