Џонсон подготвен да се повлече од преговорите со ЕУ

Премиерот на Велика Британија, Борис Џонсон е подготвен да се повлече од преговорите со Европската унија доколку ЕУ не ги исполни британските барања, објави весникот „Сан“.

– Тој денеска ќе и соопшти на ЕУ дека не е за нагли потези, бидејќи е цврст во својата позиција дека е против единаесетчасовните барања за Брегзит што пристигнаа од Франција – пишува „Сан“.

Од неговиот Кабинет изјавиле за весникот дека премиерот ќе ги прекине разговорите доколку ЕУ одбие да отстапи од „нечуените“ барања.

Претседателот на Европската комисија, Урсула фон дер Лајен и Борис Џонсон попладнево телефонски ќе разговараат за трговскиот договор.