📽️ 📷 ЈОНГ УН ГИ ГУШКАШЕ ВОЈНИЦИТЕ ВО ДРАМАТИЧНА ЦЕРЕМОНИЈА „Срцето ми се крши за нашите синови во Русија“

Севернокорејскиот лидер Ким Јонг Ун им оддаде почит на војниците кои загинаа борејќи се на страната на Русија во војната против Украина, велејќи дека „срцето му се крши“, што е ретко признание за воените загуби на Пјонгјанг.

Ким ги даде овие коментари на церемонија во Пјонгјанг, каде што се сретна со командантите на единица која се бореше во западниот руски регион Курск, објави севернокорејската државна телевизија КЦНА. Тој ги пофали командантите како „херојска армија“ и беше фотографиран како закачува медали на нивните униформи.

– Срцето ме боли и ми е горчливо додека се соочувам со реалноста дека благородните личности кои ги дадоа своите скапоцени животи за голема победа и слава можат да се сретнат само преку фотографии на ѕидот. Додека стојам пред ожалостените семејства на паднатите војници, не знам како да го изразам моето жалење и извинувања што не ги заштитивме нашите скапоцени синови – говореше Ким во своето прво јавно признание дека севернокорејските војници биле испраќани во Русија.

Тој беше виден и како клекнува пред портрет на војник кој паднал во битка и положува медали и цвеќе пред слики од други.

 

Today, #KimJongUn attended a ceremony of awarding state commendations to commanders and armymen of the KPA “overseas operation unit”

Present there were the surviving soldiers, and the families of deceased soldiers

The title of Hero was awarded to officers and fallen soldiers pic.twitter.com/Ti3K6DJoiv

— North Korean Archives and Library (NKAAL) (@NorthNKAAL) August 21, 2025

Северонокорејскиот лидер се сретна со ожалостените членови на семејството кои плачеа и им оддадоа почит на сликите од војниците. Неколку фотографии го покажаа Ким како прегрнува расплакани деца и војници.

По церемонијата, властите одржаа банкет во чест на единицата што се врати.

Украинските и американските разузнавачки агенции проценуваат дека има околу 12.000 севернокорејски војници во Русија, а првите пристигнаа есента 2024 година.

Оттогаш, околу 4.000 се убиени или ранети.

Иако двете земји првично негираа какво било распоредување, подоцна јавно го признаа учеството на силите на Пјонгјанг. Режимот на Ким долго време молчеше за извештаите за големи жртви во Курск, што ја прави церемонијата оваа недела ретко признание за разорното влијание на војната врз нејзините сили.

И покрај недостатокот на неодамнешно борбено искуство на севернокорејските војници, аналитичарите предупредуваат дека тие не треба да се потценуваат, бидејќи веројатно доаѓаат од елитни и високо индоктринирани единици.

Украинските специјални сили за Си-Ен-Ен ги опишаа бруталните и речиси самоубиствени тактики на Севернокорејците, вклучувајќи ги и случаите каде што војниците детонирале гранати за да избегнат заробување. И покрај големите загуби, соработката продолжува.

Новите разузнавачки информации во јули сугерираа дека Пјонгјанг има намера да го тројно зголеми бројот на своите војници во Русија, испраќајќи дополнителни 25.000 до 30.000 војници во наредните месеци. Ова предизвика стравувања за тоа што Москва би можела да понуди за возврат, како што се напредна вселенска, сателитска или нуклеарна технологија.