ОЛИВЕР СПАСОВСКИ ПОДНЕСЕ ОСТАВКА Не е повеќе потпретседател на СДСМ
На новиот претседател треба да му се даде можноста како што ја презема одговорноста да биде лидер на партијата, да му се даде полно право во изборот на неговиот тим, порача Оливер Спасовски.
Министерот за внатрешни работи, Оливер Спасовски, утринава поднесе оставка од функцијата потпретседател на СДСМ.
Можеби ќе ве интересира
Пред неколку дена, во дебатниот магазин „Клик Плус“ на ТВ21, Спасовски посочи дека не треба да биде дел од новиот тим на СДСМ, односно дека новиот претседател на партијата, Димитар Ковачевски, треба да избере нови лица.
– На новиот претседател треба да му се даде можноста како што ја презема одговорноста да биде лидер на партијата, да му се даде полно право во изборот на неговиот тим. Тој избор треба да го направи од нови луѓе, и затоа сметам дека не треба да бидам дел од новиот тим, се со цел да не го обременуваме ниту претседателот ниту новиот тим – порача Спасовски.