„ОЛАФ, ОСЛОБОДИ ГИ ЛЕОПАРДИТЕ“ Преку протест во Берлин беше побарано од Шолц да ги пушти тенковите во Украина
Берлин во последно време се соочува со притисок од сојузниците да ѝ испрати тенкови на Украина, која се брани од руската инвазија.
Неколку илјади луѓе, се собраа синоќа пред Бундестагот во Берлин во знак на протест поради одложувањето на германската влада на Украина да ѝ испрати тенкови „леопард“.
– Ослободете ги леопардите – гласеше една од пораките на транспарентите на демонстрантите меѓу кои имаше и Украинци, упатена до германскиот канцелар Олаф Шолц.
Берлин во последно време се соочува со притисок од сојузниците да ѝ испрати тенкови на Украина, која се брани од руската инвазија.
Заменик-министерот за надворешни работи на Украина, Андриј Мелник, вчера изрази фрустрација поради неодлучноста на Германија дали да ги испрати своите тенкови Леопард 2 во Украина.
Говорејќи за Си-Ен-Ен , Мелник го нарече недостатокот на дејствување на Германија „разочарување“, откако најпрво го пофали Обединетото Кралство и ветувањето за тенкови „Челинџер 2“, додавајќи дека се надева оти овој потег може да ги поттикне другите земји да го следат примерот.