Охридскиот градоначалник го осуди оштетувањето на споменикот на загинатите бугарски туристи
Тој апелира граѓаните да се воздржат од вандалско однесување и да покажат повисока свест за чување на јавните површини, споменици и објекти.
Охридскиот градоначалник Константин Георгиески јавно го осуди оштетувањето на споменикот на бугарските туристи кои загинаа во потонувањето на бродот „Илинден“ во Охридското Езеро.
Можеби ќе ве интересира
– Во мое лично име и во името на Општина Охрид упатувам јавна осуда до несовесните граѓани кои во текот на претходните денови извршиле оштетување на споменикот „Солза на Роза“, кој беше поставен годинава по повод одбележувањето на единаесет годишнината од несреќата на бродот „Илинден“ во која загинаа 15 бугарски туристи – вели Георгиески во објавата на социјалните мрежи.
Тој апелира граѓаните да се воздржат од вандалско однесување и да покажат повисока свест за чување на јавните површини, споменици и објекти.
