ОХРИДСКИОТ ДОГОВОР Е ИНСТИТУЦИНАЛНО ОДБЕЛЕЖЕН Арогантната ДУИ сакаше да ги присвои придобивките на албанскиот народ, велат од Вреди

Денот на одбележувањето на Охридскиот рамковен договор конечно ја доби својата вистинска и институционална форма. Овој историски момент, кој претставува најголемо достигнување на албанскиот народ во Северна Македонија, конечно е ослободен од канџите на поединци кои со години го користеа за исполнување на своите лични желби и за присвојување на богатството на народот, вели во соопштение коалицијата Вреди.

Од Коалицијата велат дека се решени да ги промовираат вредностите и достигнувањата на албанскиот народ со чест и одговорност, заштитувајќи ги интересите на граѓаните и борејќи се против секоја форма на корупција и злоупотреба на власта.

„ДУИ, со својата политичка ароганција и долгогодишно владеење, сè уште мисли дека може да присвои секое достигнување на албанскиот народ. Со ароганција се осмелија да организираат паралелен настан за овој значаен ден, спротивно на бројните повици да не го делат народот за овoj настан што треба да нè обедини сите. Тие секогаш кога зборуваат за „Охридскиот договор“ и се обидуваат да наметнат теми за легитимитет, треба да се разбере дека е обид да се оттргне вниманието од нивните корупциски скандали и одговорноста за нивниот 22-годишен режим. Тие се обидуваат да ја прикријат својата минато преполна со корупција, криминал и лошо управување“, се наведува во соопштението.

Од Вреди додаваат дека со нејзино доаѓањето на власт нема неодговорно однесување.

„Со доаѓањето на Коалицијата Вреди на власт, повеќе нема „Арберија Дизајн“ за организирање на Охридскиот Рамковен Договор за стотици илјади евра. Со доаѓањето на Коалицијата Вреди на власт, повеќе нема лични желби, веселби и несериозност со единствена цел – збогатување. Со доаѓањето на Коалицијата Вреди на власт, заврши времето на неодговорност. Со доаѓањето на Коалицијата Вреди на власт, заврши ароганцијата на власта кон народот. Времето на презир и присвојување на достигнувањата на албанскиот народ од оние кои ги искористија за свои интереси заврши засекогаш. Заедно ќе ја изградиме иднината што албанскиот народ ја заслужува“, се вели во соопштението.