ОХАД ИМА 9 ГОДИНИ, ТВОЈ ФАН Е И ТРЕНИРА ТЕНИС Израелскиот амбасадор во Србија го повика Новак Ѓоковиќ да му помогне на киднапирано дете

Бројот на жртвите во војната меѓу Израел и Палестина постојано се зголемува, а не стивнуваат и апелите за помош и ослободување на киднапираните од почетокот на конфликтот. Меѓу нив се жени, странски туристи и деца. едно од тие деца е и малиот Охад.

Токму за ова дете израелскиот амбасадор во Србија Јахел Вилан побара помош од тенисерот Новак Ѓоковиќ.

Момчето кое е еден од големите фанови на Ѓоковиќ е киднапирано на 7 октомври и има 9 години.

Вилан во оваа прилика на својот официјален „Х“ профил објави фотографија од момче кое држи рекет и го повика Ѓоковиќ на помош.

„Ова израелско момче по име Охад е твој голем обожавател. Тој е многу љубител на спортот и игра тенис неколку пати неделно. За жал, повеќе не. Тој беше киднапиран од терористите на Хамас на 7 октомври. Денеска му е 9-ти роденден и веројатно е сам во некоја темна соба во Газа. Би сакале да му испратите роденденска честитка и да го поддржите безусловното ослободување на сите заложници кои ги држи Хамас, вклучително и повеќе од 30 бебиња и деца“, напиша израелскиот амбасадор.

Dragi @DjokerNole,
Ovaj izraelski dečak po imenu Ohad je tvoj veliki obožavalac.
Veoma voli sport i igra tenis nekoliko puta nedeljno.
Nažalost, ne više.
Teroristi Hamasa su ga kidnapovali 7. oktobra.
Danas mu je 9. rođendan i verovatno je sam u nekoj mračnoj sobi u Gazi.… https://t.co/lYnt7cl3cb

— Ambasada Izraela (@IsraelinSerbia) October 23, 2023