Огромно богатство: Светските медиуми објавија колку „тежи“ Лепа Брена

Познатата странска страница „Celebrity net worth“ која, всушност, се занимава со финансиите на големи ѕвезди овој пат објави колку „тежи“ фолк ѕвездата Лепа Брена (60).

Богатството на популарната пејачка на оваа странска страница се проценува на дури 16 милиони долари, или 13,7 милиони евра. Според нив, Фахрета Живојиновиќ е најпродаваната уметничка во поранешна Југославија со продадени над 40 милиони плочи.

„Фахрета Живојиновиќ е југословенска пејачка, актерка и менаџер за таленти која има вредност од 16 милиони долари. Родена е во Тузла во октомври 1960 година. Таа е најпродаваната авторка од Југославија со продадени над 40 милиони плочи“, се вели на веб-страницата.

Не е познато по што се воделе при собирање податоци за Брена и нејзиното богатство, со оглед на тоа што не се споменуваше приватна деловна активност, ниту продажбата на „Гранд“ од која Брена собра добра сума.

Во таа насока, оваа бројка не мора да биде точна, бидејќи Брена може да има многу поголемо богатство од она што го заработи од почетокот на нејзината кариера до денес.