🎥ОГРОМНА ДУПКА ВО ИНДОНЕЗИЈА ГОЛТА СЀ ПРЕД СЕБЕ Длабока е до 100 метри, не престанува да се шири

Масивен колапс на земјиштето во селото Пондок Балик во Индонезија уништи големи површини обработливо земјиште и делови од патната инфраструктура, оставајќи ги локалните фармери во страв дека дупката ќе продолжи да се шири.

Според локалните извори, кратерот веќе проголта десетици илјади квадратни метри ниви. Длабочината на дупката достигнува и до 100 метри, што ја вбројува во еден од најголемите вакви геолошки настани во регионот.

Освен земјоделските површини, дупката зафати и дел од главниот пат што ги поврзува околните области, како и енергетска инфраструктура, вклучително и високонапонски столб. Ова дополнително ја зголемува опасноста од прекин на сообраќајот и на електроснабдувањето.

Геолозите посочуваат дека феноменот не е класична карстна дупка, туку резултат на нестабилни вулкански карпи кои при контакт со вода се раздвижуваат, предизвикувајќи постепено пропаѓање на тлото и лизгање на земјиштето.

За локалното население, најголем проблем е загубата на обработливите површини и неизвесноста дали колапсот ќе се прошири кон населените места.

Фармерите стравуваат дека ќе останат без егзистенција ако процесот продолжи со истото темпо.

Надлежните служби ја следат состојбата, а експертите предупредуваат дека поради природата на теренот и постојаното движење на почвата, опасноста од нови пропаѓања останува висока.

🇮🇩 The massive ground collapse in Pondok Balik, Ketol District, Central Aceh Regency, Indonesia is still expanding and remains a serious threat to nearby communities.

Officials say it has already swallowed more than 30,000 square meters of land and is edging closer to more… pic.twitter.com/gbv0Lpsgrv

— Volcaholic 🌋 (@volcaholic1) February 16, 2026