ОГНЕНАТА СТИХИЈА НЕ СТИВНУВА Утрово се активни 12 пожари, а 7 се под контрола

Вкупно 12 пожари се активни утрово, а 7 се под контрола, соопшти Центарот за управување со кризи (ЦУК).

Според ЦУК, вчера имало 49 пожари на отворен простор, а во текот на денот се изгаснати 30 пожари.

Утрово гори  борова шума на Јасен кај Белица, општините Кочани и Македонска Каменица дактивен е пожарот кај селата  Пресека и Цера  каде што гори борова шума и папрат. На Галичица, пожар има кај  селата Лескоец и Стење, општина Ресен, додека на Охридска територија на запад кон месноста Војтино и на север кон планинарска куќа (шума, нискостеблеста вегетација).

Активен е и пожарот во долненското село Дебреште кој се  шири кон с. Рилево и с. Зрзе како и кон с. Крапа. Гори о кај кичевските села Патеец  и Козичино кој се прошири кон с. Горно Крушје, Општина Македонски Брод (борова и букова шума). Во кичевско пожар има и кај селата Зајас и Горно Строгомиште каде што гори мешана шума. Пожар има и во општина Маврово-Ростуше во с. Врбен, како и во  Општина Новаци кај селата Полог, Брник, Ивени, Рапеш и кај сеото Паралово.

Во  Општина Битола пожар има кај селото Острец, а во општина Пласница кај селата Пласница и Латово. Во Македонски Брод пожар има кај селото Грешница, а во општина Пробиштип пожарот од село Ратковица се движи кон Пониква.

Седум пожари се под контрола. Од ЦУК најавуваат дека утрово ќе одат во контрола на дел од овие пожари.