ОФИЦИРИ ОД СЕВАСТОПОЛ МУ „ОТКАЖАЛЕ ЉУБОВ“ НА ПУТИН? Недоумицата околу нападот на Црноморската флота продолжува

Големата недоумица околу тоа кој стои зад украинскиот ракетен напад во најголемото пристаниште на Крим и дали беше убиен адмиралот Виктор Соколов продолжува. Додека руската страна тврди дека биле вмешани странски разузнавачки служби, британскиот магазин Сан пишува нешто друго – дека руски офицери го предале Соколов оддавајќи информаци на една партизанска група по име АТЕШ.

Партизанската група која го смета Путин за тиранин, според Сан, нудела парична награда за соработка. Портпаролот на групата за Киев Пост изјави дека информациите кои групата ги доставила биле клучни за уништувањето на големиот амфибиски јуришен брод Минск и за оштетувањето на подморницата Ростов на Дон на почетокот на овој месец.

„Руската армија добро знае за постоењето на партизанското движење и ги користи сите свои сили и ресурси за да го потисне и да ги идентификува нашите агенти“, соопшти АТЕШ.

Партизанската група е уверена дека ќе може да ги продолжи операциите против силите на Путин.

„Имаме уши и очи и внатре и надвор, така што први слушаме и гледаме што се случува таму“, велат тие.

За инцидентот денеска се огласи и руското МНР. Портпаролката Марија Захарова изјави дека нападот „е извршен на барање на американските и британските разузнавачки служби“ и во координација со нив.

– Нема сомнеж дека нападот бил планиран со користење на западно разузнавање, сателитска опрема на НАТО и извидувачки авиони – рече Захарова.

Вчера, руското Министерство за одбрана објави снимка на која наводно се гледа дека адмиралот Виктор Соколов е жив и дека стоел до министерот Сергеј Шојгу на состанок на воениот врв. Автентичноста на видеото не беше потврдена и останува под знак прашалник.

Рускиот медиум ЅвездаЊуз објави интервју со Соколов кое беше споделено на социјалната мрежа Х. Автентичноста на видеото не е потврдена.

 

Russian media published an interview with the commander of the Black Sea Fleet Viktor Nikolayevich Sokolov, talking about the Black Sea Fleet operations.

I still doubt he is alive as there is no mentioning of the attack on Sevastopol to prove the Ukrainian intel is wrong. https://t.co/JuEoYZnESk pic.twitter.com/NTiT37M7tI

— NOELREPORTS 🇪🇺 🇺🇦 (@NOELreports) September 27, 2023

Соколов беше поставен од страна на Путин за да ја врати гордоста на флотата по загубата на водечкиот брод Москва кој минатата година беше погоден од украинските ракети „Нептун“.

Наводното предавство на војниците на Путин, според Сан, се случило додека адмирал Соколов се состанувал со други команданти на состанокот за планирање на војната.

📽 „ЖИВ Е, СТОЕШЕ ДО ШОЈГУ“ Русите тврдат дека адмиралот на црноморската флота не бил убиен