ОДИ КАЈ БЕКАМ Меси го избра Интер Мајами
Најдобриот фудбалер на сите времиња Лионел Меси кариерата ќе ја продолжи во МЛС тимот на Интер Мајами, каде еден од сопствениците е Дејвид Бекам.
Можеби ќе ве интересира
Откако светските медиуми ја пренесоа оваа вест во текот на денот, трансферот го потврди Лионел Меси кој објави дека негова следна дестинација ќе биде Флорида.
– Донесов одлука да одам во Мајами. Се уште немам потпишано договор, но недостасуваат само неколку работи и заклучивме дека сме на истиот пат. Кога не испадна враќањето во Барселона, решив да си заминам од Европа – вели Меси.
Претходните две сезони Аргентинецот ги мина во Пари Сен Жермен, но неодамна го напушти францускиот гигант, а сега за првпат би требало да игра надвор од Европа.