ОДБЕЛЕЖУВАЊЕ НА 70-ГОДИШНИНАТА ОД ВЛАДЕЕЊЕТО НА ЕЛИЗАБЕТА ВТОРА Откриени детали од платинестиот јубилеј на британската кралица (ВИДЕО)

Бакингемската палата ја претстави целата програма на настани за прослава на платинестиот јубилеј на британската кралица, по повод нејзиниот 70-годишен престој на тронот.

Прославите ќе опфатат и отворање за јавноста на приватните имоти на 95-годишната кралица, како и на некои од најголемите светски ѕвезди кои ќе настапат пред Бакингемската палата во Лондон.

Не е јасно на кои настани ќе присуствува или ќе учествува кралицата Елизабета Втора, бидејќи лекарите ѝ наредија одмор во октомври минатата година по една ноќ во болница поради неодредени прелиминарни тестови.

Се верува дека поголемиот дел од јубилејните должности најверојатно ќе бидат доделени на остатокот од кралското семејство, вклучително и принцот Вилијам и неговата сопруга Кејт, војвотката од Корнвол.

 

Queen Elizabeth’s Platinum Jubilee: How the UK will celebrate her unprecedented anniversary – USA TODAY https://t.co/EqgJxY2tuC pic.twitter.com/cjUEuevDm3

— Andy Vermaut (@AndyVermaut) January 10, 2022

Претстава со 500 коњи и 1.000 изведувачи

Кралицата обично ја поминува годишнината од нејзиното устоличување приватно во Сандрингем.

Официјалните прослави на јубилејот ќе започнат во понеделник кога „Fortnum & Mason“ ќе започнат натпревар за платински пудинг за да се најде јадење посветено на владеењето на кралицата.

Рецептите ќе ги оценува стручно жири, вклучувајќи ја и ѕвездата од серијата „Great British Bake Off“, Мери Бери.

Од 12 до 15 мај се очекуваат повеќе од 500 коњи и 1.000 изведувачи во претставата во замокот Виндзор, која публиката ќе ја води низ историјата од Елизабета Прва до денес.

Платинеста забава и јубилеен ручек

Неколку церемонии ќе се одржат подоцна во годината, почнувајќи од четврток, 2 јуни, првиот ден од специјалниот четиридневен државен празник, кога ќе се одржи роденденската поворка на кралицата, позната како „Trooping the Color“.

Истиот ден, Велика Британија, Каналските Острови, Островот Мен и британската прекуморска територија ќе се обединат во истовремено осветлување на светилникот со главниот во Бакингемската палата.

Во петок, на 3 јуни, служба за благодарност за владеењето на кралицата ќе се одржи во катедралата Св. Пол, пред платинестата забава во палатата во сабота на 4 јуни со светски познати изведувачи чии имиња не се соопштуваат.

Луѓето ширум земјата ќе седнат заедно на голем јубилеен ручек во недела на 5 јуни, последниот ден од поврзаниот празничен викенд.

Отворање на кралските резиденции за јавноста

Сандрингам и Балморал исто така ќе бидат отворени за жителите и посетителите да уживаат во прославите во текот на долгиот викенд.

Учениците ширум земјата се поканети да направат колаж од нивните надежи за планетата во следните 70 години, а некои од нивните дизајни ќе бидат истакнати на прославата.

Од јули во официјалните кралски резиденции ќе бидат поставени три изложби, со кои ќе се одбележи доаѓањето на кралицата на тронот, крунисувањето и годишнините.