Од утре целосно затворен сообраќајот меѓу клучките Штип – Запад и Штип – Југ

Автомото сојузот на Македонија (АМСМ) информира дека од утре целосно ќе биде затворен сообраќајот на делницата помеѓу клучките Штип – Запад и Штип – Југ.

Сообраќајот ќе биде пренасочен на веќе постоечкиот Регионален пат кој минува низ Штип преку Ново Село до клучка Штип – Југ.

АМСМ соопшти и дека е зголемен интензитетот на сообраќај на патните правци надвор од градските средини. На ГП Табановце и на ГП Богородица има зголемена фреквенција на возила, времето на чекање за влез и излез од државата е од 45 минути до 1 час. На останатите гранични премини, од македонска страна, нема подолги задржувања.