ОД РУСИЈА ПРИСТИГНАЛЕ СО ПРЕЦИЗЕН ПЛАН Во Молдавија уапсени членови на проруска група

Молдавската полиција информираше дека спречила заговор на група поддржана од Русија специјално обучена да предизвикува масовни немири за време на денешниот протест во главниот град Кишињев против новата прозападна влада.

Началникот на полицијата Виорел Чернаутеану изјави дека таен агент се инфилтрирал во група „саботери“, од кои некои биле руски државјани, на кои им биле ветени 10.000 долари за организирање „масовни немири“ за дестабилизација на Молдавија за време на протестите. Тој рече дека се приведени седум лица.

🇲🇩Pro-Russian rallies continue in Moldova today. Ten groups of several protesters have already been identified, which are in contact with the FSB. Around 200 suspicious people including Wagners were not allowed to enter the country at the airport and border.#Moldavie #moldavia… https://t.co/s6xDsH0bbq pic.twitter.com/q3qC3gFk0i

— Intermarium 24 (@intermarium24) March 12, 2023

Дополнително, полицијата соопшти дека денеска уапсила 54 демонстранти, од кои 21 малолетник, кои имале „сомнително однесување“ или за кои било утврдено дека носат „забранети предмети“, меѓу кои и нож.

Денешниот протест е еден од неколкуте во последните недели организирани од група која себеси се нарекува „Движење за народот“ и поддржана од молдавската партија Шор, пријателски наклонета кон Русија, која има шест од 101 место во Парламентот.

Демонстрантите бараат владата целосно да ги плати сметките за струја и „да не ја вовлекува земјата во војна“. Тие постојано повикуваа претседателката Маја Санду да поднесе оставка.

🇲🇩 A huge success for the Moldovan authorities! for several hours now, the services have been picking out from the crowd pro-russian suspected of trying to destabilize the protest💪

#Moldova #Moldavie #RussiaIsCollapsing #RussiaisATerroistState #Ukraine #UkraineWillWin pic.twitter.com/Edqms5twAh

— Intermarium 24 (@intermarium24) March 12, 2023

Полицијата соопшти дека денеска биле регистрирани четири закани за бомби, вклучително и една на меѓународниот аеродром Кипињев, кои ги нарекоа „тековни мерки за дестабилизација“ во Молдавија, поранешна советска република со население од околу 2,6 милиони жители.

Граничната полиција на Молдавија, исто така, денеска соопшти дека неделава им забранила влез на 182 странски државјани, вклучително и „можен претставник“ на руската групација Вагнер, приватна воена компанија која се бори во Украина, соседот на Молдавија погоден од војна.

Пред неколку дена американските разузнавачи објавија дека утврдиле дека актери поврзани со руските разузнавачки служби планираат да ги искористат протестите во Молдавија, која е кандидат за Европската унија од јуни 2022 година, како основа за поттикнување бунт против владата.