ОД ЛИБАН КОН ИЗРАЕЛ ИСТРЕЛАНИ НАД 200 РАКЕТИ Стигнува одмазда за убиениот командант на Хезболах
Хезболах вети дека ќе ги интензивира своите напади по смртта на 55-годишниот Талеб Сами Абдулах, командант на Хезболах кој беше убиен вчера во израелските воздушни напади.
Стотици ракети беа истрелани синоќа од либанска територија кон северен Израел, неколку часа откако во израелски воздушни напади беше убиен командант на либанското шиитско движење Хезболах.
Израелската војска соопшти дека биле откриени околу 215 гранати, од кои некои биле соборени, но други предизвикале пожари на неколку локации.
Хезболах вети дека ќе ги интензивира своите напади по смртта на 55-годишниот Талеб Сами Абдулах, командант на Хезболах и најстар член на групата убиен од почетокот на борбите пред осум месеци.
Хезболах, сојузник на палестинското движење Хамас, поддржан од Иран, неодамна почна да напаѓа подлабоко во израелската територија со пософистицирани оружја, додека израелската авијација исто така бомбардира цели длабоко во Либан.
Шиитското движење најави дека ќе ги прекине непријателствата против Израел само доколку дојде до прекин на огнот во Газа.