ОД БЕЛАТА КУЌА ЈА ПОВИКАА НИКИ МИНАЖ НА РАЗГОВОР Сакаат да ѝ објаснат сè за вакцините

Белата куќа ѝ понуди на американската раперка и актерка, Ники Минаж да се поврзе со еден од докторите од администрацијата на претседателот Бајден, со кого ќе разговара за нејзините прашања поврзани со вакцините против ковид-19, бидејќи нејзината објава на Твитер за тоа дека вакцините предизвикуваат импотенција, стана вирална.

Белата куќа изјави дека слични повици биле испратени и до други кои се загрижени за вакцината, со цел да се отстрани кампањата на дезинформации во врска со безбедноста и ефективноста на вакцините, пренесува АП.

Минаж минатата среда објави на Твитер дека Белата куќа ја поканила и потврди дека ќе оди на разговорот, но официјален претставник на Белата куќа изјави дека на раперката едноставно ѝ била понудена покана.

The White House has invited me & I think it’s a step in the right direction. Yes, I’m going. I’ll be dressed in all pink like Legally Blonde so they know I mean business. I’ll ask questions on behalf of the ppl who have been made fun of for simply being human. #BallGate day 3 https://t.co/PSa3WcEjH3

— Nicki Minaj (@NICKIMINAJ) September 15, 2021

Минаж беше на насловните страници неделава кога пред нејзините 22,6 милиони следбеници на Твитер објави дека на годишната церемонија Мат гала, било побарано од учесниците да бидат вакцинирани и дека нема да ја прими вакцината додека не почувствува дека направила доволно истражување.

Подоцна стави друга објава во која раскажа непотврдената приказна за пријател на нејзиниот братучед во Тринидад, кој наводно станал импотентен откако бил имунизиран.

My cousin in Trinidad won’t get the vaccine cuz his friend got it & became impotent. His testicles became swollen. His friend was weeks away from getting married, now the girl called off the wedding. So just pray on it & make sure you’re comfortable with ur decision, not bullied

— Nicki Minaj (@NICKIMINAJ) September 13, 2021