ОД АНОНИМНА ФИРМА ДО ТЕНДЕР ОД 4 МИЛИОНИ ЕВРА Од ВМРО-ДПМНЕ прашуваат како непознатата компанија добила милионски тендер?
Од партијата прашуваат врз кој критериум анонимната фирма добила тендер, односно „како компанија која до пред некое време реализирала тендери од стотина илјади, доаѓа до тендери од тешки милиони“?
Јавноста со право се сомнева во чесноста на владеењето на ДУИ и СДСМ, порачаа од најголемата опозициска партија во Македонија, ВМРО-ДПМНЕ.
За претставниците на оваа партија спорен е тендерот рализиран од Министерството за образование и наука со анонимна фирма од Тетово.
„Власта на ДУИ и СДСМ треба да објасни како една анонимна компанија која низ годините наназад работела на ситни тендери, одеднаш станува клучен партнер на министерството за образование и наука? Согласно податоците доставени до Бирото за јавни набавки на 4 февруари, компанијата Хилдин комерц ДООЕЛ експорт-импорт Тетово е ангажирана на 2 тендера за градежни активности во вкупна вредност од 225.878.041 денари или 3 милиони 673 илјади евра. Министер од СДСМ тендерира, министер од ДУИ спроведува. За еден месец скоро 4 милиони евра добила една анонимна компанија. Сложно, нема што“, велат од ВМРО-ДПМНЕ.
Од партијата прашуваат врз кој критериум анонимната фирма добила тендер, односно „како компанија која до пред некое време реализирала тендери од стотина илјади, доаѓа до тендери од тешки милиони“?