ОБВИНИТЕЛИТЕ БИРАНИ ВО СТРУМИЦА И ВО ЗАЈАС НЕ МРДНАА СО ПРСТ ЦЕЛИ 6 МЕСЕЦИ Затоа довербата во правосудството е 2%

Љупчо Коцевски како шеф на Јавното обвинителство ЈО повеќе од 6 месеци имаше можност да почне да си ја работи работата за која е платен од граѓаните. А тој не мрдна со прст, обвини денеска Брана Петрушевски од ВМРО-ДПМНЕ.

– Шест месеци Љупчо Коцевски не отвори ниту еден случај, а обвинителите бирани во Струмица и Зајас кои чудно се разболуваат кога треба да постапуваат наместо да ги суспендира, тој ги брани. Шест месеци ЈО ја опструира правдата. Обвинителите наместо да соработуваат со институциите бараат начин како да ескивираат. Обвинителите бирани во Струмица и Зајас, на кои им се влошува здравјето кога ќе треба да гонат криминал, се причина зошто довербата на граѓаните во правосудството е 2%. Љупчо Коцевски, како шеф на ЈО е директно одговорен за неработата на ЈО и очигледниот заштитнички однос на одредени обвинители кон криминалците дел од поранешната власт. Го повикуваме Републичкиот јавен обвинител во најбрз можен рок да почне со постапување по закон. Граѓаните очекуваат правда, и владеење на правото, а не изговори – рече Петрушевски.