ОБНОВЕНО Тргнаа дома и граѓаните затекнати во Словенија и во Истанбул

Нашите граѓаните кои поради коронавирусот беа затекнати и заглавени во Словенија, утрово го продолжија патот за Северна Македонија, јави дописникот на МИА од Љубљана.

Се работи за вкупно 42 лица, а најголем дел од нив доаѓаат од Италија и Германија. Се очекува во текот на денот да пристигнат во земјава, по што ќе треба да бидат сместени во државен карантин.

Во решавањето на целата ситуација директно беше вклучена и Амбасадата на Северна Македонија во Словенија.

Истовремено, во текот на денешниот ден е организиран и автобуски превоз за враќање на 27 македонски граѓани од Истанбул.