Објавен венчалниот документ на Меган и Хари: Парот го излажал целиот свет во интервјуто кај Опра? ФОТО

Британските медиуми го објавија венчалниот лист на Меган Маркл и принцот Хари, на кој официјален датум на венчавката е 19 мај 2018 година, односно денот на кралската венчавка. Имено, во интервју за Опра Винфри, Меган изјави дека таа и Хари, всушност, се венчале три дена пред кралската церемонија која ја следеше целиот свет.

Меган рекла дека на таа приватна церемонија не биле ниту членовите на нивните семејства, туку само тие двајца и свештеник. Меган тогаш открила и дека на венчалниот лист кој виси на ѕидот во нивниот дом стои датумот на приватната церемонија, а не датумот на кралската венчавка.

– Жал ми е, но Меган очигледно е збунета и очигледно е погрешно информирана. Не се венчале три дена порано пред надбискупот на Кантербери. Специјалната дозвола која помогнав да се состави им овозможи венчавка во капелата Свети Џорџ во Виндзор, која се одржа на 19 мај 2018 година, која ја виде целиот свет и која беше официјална венчавка, признаена од англиската Црква и законот. Претпоставувам дека претходно можеби размениле некои едноставни завети кои самите ги напишале и ги кажале пред надбискупот, но тоа веројатно била обична проба – рекол за британски „Сан“ Стефн Бортон, поранешен главен службеник во канцеларијата за регистри.

Сега во јавноста исплива документ кој докажува дека тоа не е вистина. Станува збор за нивниот венчален документ кој британскиот „Мирор“ го добил од управата за водење на матичните книги.

Документот потврдува дека формалностите се случиле на 19 мај 2018 година во дворецот Виндзор. Службеникот кој ја изготвил дозволата за венчање на Меган и Хари вели дека војвотката очигледно е малку збунета во врска со бракот бидејќи изјавила дека тие се венчале во нивниот двор три дена пред споменатиот датум.

Меган ја изненади публиката кога ја откри наводната вистина за нивната венчавка пред Опра.

„Знаете, ние всушност се венчавме три дена пред нашата венчавка. Тоа никој не го знае. Заклетвите кои се врамени во нашата соба беа разменети само помеѓу нас двајца пред надбискупот од Кантербери, во нашиот двор“, кажа Меган во големото интервју.

„Бевме само тројца“, додаде Хари, потврдувајќи ја изјавата на Меган дека го замолиле надбискупот да ги венча насамо во нивниот дом, но Бортон сега им потврдил на медиумите дека тоа всушност не е можно и објаснил зошто.

„Тие не можеа да се венчаат во Нотингем затоа што тоа место не е овластено за венчавки и немало доволно присутни сведоци. Не е можно само три лица да бидат на венчавка, тоа не е валидна церемонија“, рекол тој и додал:

„Мислам дека војвотката е збунета и дека некоја потврда во облик на завет што стои на ѕидот не е официјална потврда за венчавка. Свадбата се одржа во капелата под услови предвидени со Законот за кралски бракови од 1772 година. За да можат да се венчаат, беше составена и посебна дозвола од кралицата со која таа одобри сè, вклучувајќи го и местото каде што ќе се одржи венчавката“.