Нуспојавите кај вакцината на Фајзер се благи и траат неколку дена

Европската агенција за лекови денеска ја одобри вакцината против ковид-19 на Фајзер.

За безбедноста на вакцината на Фајзер и нуспојавите на прес конференција зборуваше Сабине Штраус од Одборот за фармаконадзор и за проценка на ризикот при Европската агенција за лекови.

– Одборот за сигурност ЕМА тесно соработуваше со Фајзер и БионТек и со стручњаците од сите 27 држави членки на ЕУ и со претставниците на здравствените работници во Европа. Свесни сме за одговорноста. Сите лекови имаат нуспојави и во ЕУ имаме процес на следење и надзор за да можеме брзо да реагираме на сите нуспојави од било кој лек. Во текот на овој процес на евалуација имавме и план за управување со ризик. Што знаеме во момоентов за безбедноста на оваа вакцина – вели Штраус.

Нуспојавите се слични како кај другите вакцини

– Добивме многу податоци за безбедноста. Повеќе од 80 отсто од луѓето кои ја примиле, повеќе од 10 отсто од нив се следени 2 месеци по примањето на втората доза. Нуспојавите се слични како кај другите вакцини. Најчести нуспојави се болка на местото на инекцијата, болка во мускулите, главоболка и покачена температура. Тие нуспојави биле благи и траеле неколку дена. На темел на податоците на истражувањата, можеме да здивнеме. Но и понатаму треба да ја следиме ситуацијата бидејќи безбедноста е клучна. Ако дојде до неочекувани нуспојави, мора да ги детектораме – вели таа.

Мал број извештаи за алергиски реакции

Добивме мал број извештаи за алергиски реакции во земјите каде вакцинирањето е почнато. Ги испитавме тие случаи и можеме да им дадеме подобри информации на пациентите. Препораката е дека пациентите треба будно да ги следиме барем 50 минути откако ќе ја примат вакцината. Наше мислење е дека Фајзер ќе мора да продолжи со собирање на податоци за вакцината да биде втемелена на најажурни докази. Применивме строги стандарди. Вакцините се одобруваат само ако општата корист го надминува ризикот – вели Штраус.

Ниедно истражување не може да биде доволно големо за ретките нуспојави

– Издадовме и препораки за компанијата, таа ќе мора да дава месечен извештај. Инаку извештаи бараме на секои шест месеци. Иако многу луѓе ја примија вакцината во рамките на испитувањето, ниедноистражување не може да биде доволно големо за ретките нуспојави. За да ги детектираме новите нуспојави, воведовме нов систем на нализа и детекција. Повикувам да се пријават сите нуспојави кои ќе се анализираат – вели Штраус.