🎥 НОВО ВИДЕО СО КЕЈТ МИДЛТОН Принцезата му честиташе на британскиот тим за успесите на Олимпијадата
Кејт Мидлтон и принцот Вилијам испратија честитки до репрезентациите на Велика Британија кои учествуваа на Олимписките игри во Париз.
„Добро сторено, тим ВБ, какво неверојатно патување! Секој спортист покажа огромна посветеност, срце и страст. Нѐ направивте сите нас толку горди!“, напишаа Кејт и Вилијам на нивниот официјален профил на Инстаграм.
Тие двајцата се појавуваат во видео со пораки од познати личности, меѓу кои и Дејвид Бекам и раперот Снуп Дог.
Well done @TeamGB, what an incredible journey!
Every athlete showed immense dedication, heart and passion. You made us all so proud!
Here’s to celebrating every triumph at @Paris2024 and looking forward to more from @ParalympicsGB later in the summer 🇬🇧🥇 pic.twitter.com/oCLz7HuuLG
— The Prince and Princess of Wales (@KensingtonRoyal) August 11, 2024
Тимот на Велика Британија освои вкупно 65 медали на овогодинешните Олимписки игри, од кои 14 златни, 22 сребрени и 29 бронзени.
„Од сите што гледаме од дома – честитки до тимовите на Велика Британија“, рече принцезата во видеото објавено на нивниот официјален Инстаграм, а принцот додаде: „Браво за сè што постигнавте, вие сте голема инспирација за сите нас“.
Кејт последен пат се појави во јавноста на финалето на Вимблдон во јули, по што повторно се повлече од јавноста.