📽 НОВО ВИДЕО ОД УБИСТВОТО НА ГРЧКИОТ НАВИВАЧ Дали бил прободен од друг навивач на АЕК?
Повеќе видео снимки излегоа од тој црн настан, но клучното видео се појави доцна синоќа на популарната твитер страница Hooligans.cz.
АЕК Атина се радува на пласманот во плејофот во Лигата на шампиони, откако во возбудлив меч го елиминираше Динамо Загреб. Грчкиот тим со два гола во судиското надополнување стигна до 2:2 што беше доволно да се радува за место во следната фаза.
Овој двомеч меѓу АЕК и Динамо остана во сенка на трагедијата што пред речиси две недели се случи во Атина, кога требаше да се игра дуелот во главниот град на Грција, но беше одложен, откако во нередите меѓу навивачките групи на двата тима смртно настрада еден симпатизер на АЕК.
Повеќе видео снимки излегоа од тој црн настан, но клучното видео се појави доцна синоќа на популарната твитер страница Hooligans.cz. Се работи за петминутно видео на кое е обележано движењето на несреќниот Михалис кој беше убиен на 7 август.
Администраторите на страницата тврдат дека, според снимките се наметнува заклучок дека Михалис, кој беше навивач на АЕК, е убиен од друг навивач на АЕК, а не од навивач на Динамо.
07.08.2023, AEK Athens🇬🇷 vs BBB (Dinamo Zagreb🇭🇷), AEK fan stabbed by AEK fan https://t.co/Fjy3xrlEmQ pic.twitter.com/CTdBae36pT
— Hooligans.cz Official (@hooliganscz1999) August 19, 2023