НОВО ЧУДО ВО ТУРЦИЈА 45-годишен маж извлечен од под рушевините по 278 часа (ВИДЕО)
Хакан Јасиноглу беше пронајден од тимовите за пребарување и спасување жив под урнатините во областа Дефне, во уште едно чудесно спасување 11 дена по двојниот земјотрес што го потресе регионот.
По повеќе од 278 часа по првичнот силен земјотрес во провинцијата Хатај денеска беше извлечен 45-годишен маж.
Хакан Јасиноглу беше пронајден од тимовите за пребарување и спасување жив под урнатините во областа Дефне, во уште едно чудесно спасување 11 дена по двојниот земјотрес што го потресе регионот.
Веднаш бил пренесен во најблиската болница.
45-year-old man rescued from rubble in Hatay, more than 278 hours after initial tremor struck southern Türkiye https://t.co/lHTJykfNPu pic.twitter.com/HpLwtygU1b
— ANADOLU AGENCY (@anadoluagency) February 17, 2023
Утрово медиумите јавија дека дванаесетгодишно дете беше спасено од урнатините на зграда во Антакија, во провинцијата Хатај, 260 часа по разорните земјотреси.
Земјотресите со јачина од 7,7 и 7,6 степени на 6 февруари во јужна Турција погодија повеќе од 13 милиони луѓе во 11 провинции.
Досега во Турција загинаа над 38.000 луѓе, десетици илјади се повредени, а повеќе од 13 милиони луѓе се погодени од разорните земјотреси.