НОВИТЕ ЦАРИНИ СЕ ГОЛЕМА, НО НЕОПХОДНА ПРОМЕНА ЗА АМЕРИКАНСКАТА ЕКОНМИЈА Венс предупредува дека цените нема да паднат преку ноќ
Моделот на глобалистичка економија ги доведе САД до голем долг и зависност од странското производство. Во моментов претседателот Трамп ја води економијата во друга насока, вели американскиот потпретседател Џеј Ди Венс.
Новите царини што ги објави Доналд Трамп се голема промена, но и неопходен пресврт за американската економија, изјаи американскиот потпретседател Џеј Ди Венс.
– Се задолжуваме кај кинеските земјоделци, за да го купиме она што тие го произведуваат. Тоа не е рецепт за просперитет, ниски цени, ниту за добри работни места во Америка – изјави Венс за Фокс њуз.
Тој го критикува моделот на глобалистичка економија и тврди дека тој модел ги довел САД до голем долг и зависност од странското производство.
– Во моментов претседателот Трамп ја води економијата во друга насока. На тоа ја засноваше кампањата, тоа е она што го вети и сега го исполнува. Да, ова е голема промена, нема да кријам. Но, нам ни требаше голема промена – додаде тој.
Венс истакна дека администрацијата напорно работи на намалување на цените, но предупреди дека промените нема да се случат преку ноќ. Тој рече дека високите цени ќе бидат резултат на инфлацијата од мандатот на Бајден, а не на постапките на Трамп.
За најавените даночни намалувања рече дека не ги гледа како компензација за царините, туку како дел од „тотален пресврт“ што ќе ги награди американските работници и компании.
– Пораснав во семејство кое често живееше од плата до плата и знам дека многу Американци се плашат од зголемените трошоци за живот. Ние се бориме да го промениме тоа – заклучил тој.