Новиот поглавар на ИВЗ позитивен на ковид-19

Новиот поглавар на Исламската верска заедница, Шаќир ефенди Фетаи на својот фејсбук профил објави дека е позитивен на ковид-19.

– Грижејќи се за моето семејство, моите соработници, како и сите верници и граѓани, решив да направам тест за ковид -19. За жал, тој излезе позитивен. Во моментов, сѐ е нормално и нема никакви проблеми, ниту симптоми. Јас се придржувам кон прецизните медицински препораки и сум во домашна изолација. Таква е одлуката на Алах. Апелирам до сите граѓани да бидат внимателни и да се придржуваат кон препораките на надлежните органи, напиша вршителот на должност поглавар на ИВЗ.