НОВИНАРИ, СЛОБОДНО ВИКАЈТЕ! Путин говореше за Украина, за гасот и за Дедо Мраз

„Слободно, слободно … викајте“.

Вака им се обрати на новинарите рускиот претседател на неговата годишна прес-конференција, уште пред таа да биде започната. Претходно, неговиот помошник и портпарол на Кремљ, Дмитриј Песков проба да ја смири буката уверувајќи дека сите прашања ќе бидат одговорени.

– Ајде, немојте да викате! – им рече Дмитриј Песков на претставниците на медиумите.

Тензичниот почеток на говорот беше проследен со интересни информации. Според Путин, Русија не сака да војува со Украина, но не гледа како „да не го стори тоа“, Американците покажале разбирање за руските барања за нов договор со НАТО, за труењето на Навални не постојат докази, а што се однесува до енергетската криза, Русија не е винова што цените на гасот во Европа се високи.

Освен ова, Путин им откри на новинарите и дека Русија може да ја очекува инфлаторна криза налик на онаа во Турција, дека заедно со Кина развиваат високотехнолошки оружја, дека земјата добро се справува со ковид-кризата и … дека Дедо Мраз годинава му донел подарок, пишува Блиц.

 

«Будем, будем, кричите!» 😂 pic.twitter.com/eCk1xSDceL

— Донбасс Сегодня (@DonbassSegodnya) December 23, 2021

„Имам добри односи со Дедо Мраз“

Новинар му поставил на Путин малку несериозно прашање за момчето кое го тужело Дедо Мраз затоа што не му го донел тоа што го барало. Путин рече дека Дедо Мраз им дава подароци само на добрите момчиња и девојки, а потоа рече:

– Имам добри односи со Дедо Мраз. Ми донесе подароци – рече тој.

На повидок ли е војна во Украина?

Запрашан дали може да гарантира дека нема да ја нападне Украина, рускиот претседател рече:

– Нашите акции нема да зависат од текот на преговорите, туку од безусловната безбедност на Русија. Јасно ставивме до знаење дека проширувањето на НАТО на исток е неприфатливо. Соединетите Американски Држави стојат со ракети на прагот од нашата куќа. Дали е претерано барање да немаме штрајкови системи до нас? Како би реагирале Американците доколку поставиме ракети на границата со Канада или Мексико?

Сепак тој е задоволен од досегашните разговори со НАТО:

– Едноставно директно го поставивме прашањето дека не треба да има проширување на НАТО на исток. Топката е на нивна страна, тие треба да одговорат. Сè на сè, засега гледаме позитивна реакција – рече рускиот лидер.

За „странските агенти“ и за труењето

На пресот имаше и едно прашање за труењето на Алексеј Навални и другите опозиционери.

– Зарем власта не е загрижена дека тоа ќе доведе до незадоволство и востание, слично на она што се случи во историјата на Русија? – праша дописник на Би-Би-Си.

Путин посочи дека државите кои ја обвинуваат Русија за обид за убиство на опозицијата не понудиле докази за нивното тврдење.

Ние не сме виновни за рекордните цени на гасот

Русија не е виновна за рекордните цени на природниот гас во Европа, нагласува рускиот претседател. Тој истакна дека Русија, за разлика од САД, редовни ги исполнува своите обврски за испорака на гас во Европа.

Путин објасни и дека компанијата „Газпром“ нема никаква врска со гасната криза во Европа и предложи европските држави навремено да реагираат на нивните проблеми со гасот што самите ги создале.

Американските добавувачи го одвлекоа гасот на премиум пазарот, во Јужна Америка, Кореја, Јапонија. И цените скокнаа – изјави Путин.

„Русија сака мирни односи со Украина“

Иднината на побунетиот регион Донбас мора да ја одредат самите негови жители, рече Путин, додавајќи дека Русија ќе дејствува како посредник.

– Патоказот за решавање на конфликтот во источна Украина е детално опишан во договорот од Минск. За тоа е потребна амнестија, уставни реформи и други мерки, кои властите во Киев одбија да ги спроведат. Тие дури и не разговараат со лидерите на Донбас, нарекувајќи ги терористи – рече Путин.

Тој тврди дека украинскиот претседател Зеленски му свртел грб на ветувањето дека ќе бара мир и дека паднал под влијание на радикалните елементи во Украина.

 

Journalists being disinfected on passing through to Comrade Putin’s speech https://t.co/zrVsQCslQX

— The Mediator (@Highoctanenews) December 23, 2021

Сребрени честички за новинарите

Новинарите кои присуствуваа на годишната прес-конференција на рускиот претседател Владимир Путин денеска беа испрскани со сребрени честички на влезот на местото на настанот заради дезинфекција.

– Подготвувајќи се за прес-конференцијата, нашите експерти посветија посебно внимание на санитарните барања – изјави портпаролката на Одделот за претседателски имот Елена Крилова за ТВ каналот „Русија-24“.