Новинар: Дали им давате лажна надеж на Американците? Трамп: Вие сте ужасен новинар!
Многу е тешко да се обединиме ако имаме нечесни новинари - рекол Трамп.
Претседателот на САД, Доналд Трамп, го обвини новинарот на „NBC-News“ дека е ужасен новинар откако на прес-конференција го запрашал која е неговата порака за уплашените Американци од коронавирусот.
Вербалниот напад врз новинарот Питер Александер се случил откако известувачот му поставил прашање на Трамп дали им дава лажна надеж на Американците со тоа што промовира недокажани лекови за Ковид-19.
– Мислам дека вие сте еден ужасен новинар. Само тоа ќе го кажам – изјавил Трамп.
Претседателот подоцна додал дека новинарот му упатил грозно прашање и го обвинил за сензационализам.
– Дозволете ми да ви кажам нешто. Тоа е навистина лошо известување. Не треба да бидете сензационалисти. Многу е тешко да се обединиме ако имаме нечесни новинари – рекол Трамп.