НОВИ КОВИД-БЕГАЛЦИ Тројца гостиварци од карантин побегнале во странство
По целосно документирање на случајот против нив ќе бидат поднесени соодветни поднесоци по член 206 од Кривичниот законик.
Три лица од околината на Гостивар заминале во странство иако имале решенија за карантин.
Од СВР Тетово соопштија дека вчера се регистрирани прекршувања на издаденото решение за изолација од Државниот санитарен и здравствен инспекторат.
Можеби ќе ве интересира
„Констатирано е дека Ш.Д.(48) од гостиварски Сенокос, Х.А.(25) од Дебреше, Л.Ј.(33) од Дебреше не се придржувале на решенијата, односно ја напуштиле државата“, додаваат од СВР Тетово.
По целосно документирање на случајот против нив ќе бидат поднесени соодветни поднесоци по член 206 од Кривичниот законик.
Ова не е прв ваков случај. И претходно, лица од Тетово и Гостивар заминале надвор од државата иако требало да бидат во изолација. Дури имаше и случаи каде заразени со коронавирусот правеле свадби.