НОВИ ДОКАЗИ ЗА РАЗВОДОТ НА ЏЕНИФЕР ЛОПЕЗ И БЕН АФЛЕК Не се заедно од март, што значи ова за нивниот брак?
Американскиот портал „Пејџ сикс“ известува дека парот, и покрај сите напори да опстанат, не е во брак веќе некое време. Според извор, тие се разделени од март, иако Афлек сè уште „заштитнички се однесува кон Џеј Ло“.
Гласините за наводниот развод на музичката ѕвезда Џенифер Лопез (54) и нејзиниот сопруг, актерот Бен Афлек (51) не престануваат со месеци. Американскиот портал „Пејџ сикс“ известува дека парот, и покрај сите напори да опстанат, не е во брак веќе некое време. Според извор, тие се разделени од март, иако Афлек сè уште „заштитнички се однесува кон Џеј Ло“.
Бројни колекционери и заинтересирани купувачи на почетокот на јуни, како што дознава „Пејџ сикс“, купиле „уметнички дела и некои парчиња“ што се наоѓале во домот на Џенифер Лопез и Бен Афлек.
Лопез и Афлек минатата година го пронајдоа своето љубовно гнездо во Лос Анџелес по цена од 60 милиони долари, а сега, една година подоцна, решија да го продадат. Според извори блиски до парот, Бен во никој случај не бил задоволен со споменатата недвижност бидејќи е „премногу далеку од неговите деца“.
Афек во моментот живее во недвижност во близина на неговите три деца од бракот со Џенифер Гарнер, Виолет (18), Серафин (15) и Семјуел (12) во Брентвуд, Калифорнија, а овие денови официјално ги пресели сите свои работи од домот на Беверли. Хилс, кој го поседува со Џеј Ло, додека таа во тоа време уживаше на соло одмор во Европа.
По откажувањето на концертната турнеја, која беше поттикната од лошата продажба на билети, латино дивата беше видена во Италија, а потоа и во Франција, на ревијата на „Диор“.
По враќањето во Калифорнија, Лопез беше фотографирана како оди во канцеларијата на Афлек, но не беше фатена во интеракција со него. Следниот ден изгледаше напнато кога пристигна во студиото „Парамаунт“.
Како што тврди извор за американскиот портал „Пејџ сикс“, Афлек „се вразумил“ во врска со бракот со латино дивата и сега планира да го прекине.
„Да постоеше начин да се разведе врз основа на привремена непресметливост, тој ќе го направеше тоа. Тој се чувствува како последните две години да биле како сон со треска, а сега се вразуми и сфаќа дека нема шанси ова да успее“, рекол изворот.
По неуспешната свршувачка во 2004 година, Џенифер Лопез и Бен Афлек решија да и дадат втора шанса на својата љубов. Тие се венчаа во Лас Вегас во јули 2022 година, а својата љубов следниот месец ја прославија со втора, пораскошна церемонија на имотот на Афлек во Џорџија.