Нови 111 заболени, двајца мртви

Во последните 24 часа се направени 854 тестирања, а регистрирани се 111 нови случаи на ковид-19. Во Скопје 63, Куманово 11, Штип 12, Тетово 8, Велес 3, во Охрид и во крива Паланка по еден, три во Гостивар и девет во Кочани, вработени во градинка, информира Министерството за здравство .

На Клиниката за инфективни болести и фебрилни состојби починаа две лица, пациентка од Струга на возраст од 53 години и пациент од Прилеп на возраст од 80 години.

Денеска Институтот за јавно здравје регистрира 6 оздравени пациенти. По еден битолчанец и прилепчанец и четворица тетовци.

Вкупната бројка на ковид дијагностицирани во нашата земја од почетокот на епидемијата изнесува 3025, бројката на оздравени пациенти е 1646, на починати е 153, а во моментов бројот на активни случаи во земјата изнесува 1226.

По завршени епидемиолошки анкети, еден од позитивните случаи вчера од Скопје е контролен тест, еден заболен од Кочани е од Штип, а од Делчево е од Скопје.

На Инфективната клиника во изминативе 24 часа примени се 9 нови, а вкупно хоспитализирани 62 пациенти. Од нив 27 се потешко болни и на кислородна поддршка.

До утрово, во ГОБ „8 Септември“ примени се 14 нови, а вкупно хоспитализирани 41 пациент. На респираторна машина се 8, a со потешка клиничка слика се уште 7 пациенти.

Во болницата во Битола се хоспитализирани 13 пациенти, а на домашно лекување преку болницата се следат 2 пациенти. Во болницата во Штип се хоспитализирани 22 пациенти. На инфективните одделенија во Тетово, Охрид, Велес, Куманово и Прилеп се хоспитализирани 30 пациенти – позитивни и сомнителни на ковид-19.

Последна дистрибуција на заболени по градови:
•       Скопје 1264, активни 658
•       Куманово 556, активни 140
•       Дебар 52, активни 1
•       Штип 174, активни 136
•       Прилеп 218, активни 27
•       Тетово 281, активни 119
•       Струга 98, активни 25
•       Велес 144, активни 30
•       Битола 30, активни 3
•       Охрид 31, активни 14
•       Кавадарци 6, активни 1
•       Гостивар 50, активни 29
•       Гевгелија 6, активни 2
•       Струмица 5, активни 2
•       Крива Паланка 7, активни 1
•       Радовиш 4, активни 0
•       Крушево 3, активни 0
•       Кочани 51, активни 20
•       Пробиштип 5, активни 3
•       Демир Хисар 1, активни 0
•       Македонски Брод 2, активни 0
•       Пехчево 3, активни 0
•       Берово 2, активни 1
•       Валандово 3, активни 2
•       Виница 3, активни 1
•       Делчево 1, активни 0
•       Кратово 3, активни 1
•       Свети Николе 3, активни 2
•       Кичево 3, активни 1
•       Неготино 16, активни 7 (*9 лица од ПЕ Неготино се жители на Демир Капија)