НОВА БОМБАСТИЧНА РОМАНСА? Кети Пери уловена на вечера со Џастин Трудо, еден месец по раскинувањето со Орландо Блум

Славната пејачка Кети Пери и поранешниот канадски премиер Џастин Трудо беа видени како вечераат заедно во ресторан во Монтреал, само еден месец откако Пери го потврди крајот на нејзината свршувачка со актерот Орландо Блум.

Како што дознава „Пипл“, 40-годишната поп-ѕвезда и 53-годишниот политичар вечерале во ресторанот „Le Violon“ во понеделникот, 28 јули, каде што уживале во коктели и неколку јадења, вклучувајќи и јастог во менито. Во текот на вечерта се сретнале со познатиот готвач Дени Смајлс, а по вечерата отишле да му се заблагодарат на персоналот во кујната.

Иако веднаш се појавија гласини за можна романса, официјалните претставници на Пери и Трудо засега не го коментирале нивното излегување.

Да потсетиме, во јуни беше потврдено дека Пери и Блум, по девет години врска, од кои шест беа свршени, решиле да ја прекинат својата врска. Во заедничка изјава, нивните претставници потоа изјавија: „Во текот на последните месеци, тие постепено го пренасочија својот однос кон родителството, а нивната четиригодишна ќерка Дејзи Дав останува нивен приоритет.“

Интересно е што само неколку дена по објавувањето на раскинувањето, Пери и Блум биле видени на луксузна јахта покрај брегот на Амалфи во друштво на Џеф Безос и Лорен Санчез.

Од друга страна, Трудо е повторно слободен од минатата година. Во август 2023 година, тој објави дека се разведува од сопругата Софи Грегоар по 18 години брак.