НОВ ТРЕНД ВО КОРИСТЕЊЕТО НА СОНЧЕВАТА ЕНЕРГИЈА „Анти-соларните“ панели можат да произведуваат струја и дење и ноќе
„Анти-соларните“ панели на Мундај можат да произведат 50 W електрична енергија на метар квадратен, што е 75 отсто помалку отколку што произведуваат традиционалните соларни панели во текот на денот, но сепак и тоа е чекор напред во развој на оваа технологија.
Енергијата е еден од најважните елементи во модерната ера. Неопходно е потребна за правилно функционирање за потребите од енергија на сите нивоа во општеството и затоа неопходен е развој на нови и еколошки извори на енергија.
Една од најголемите пречки на соларните панели е што тие не можат да произведуваат електрична енергија во отсуство на видлива сончева светлина. Постојат многу области во светот каде адаптацијата на сончевиот панел ќе биде поголем предизвик поради неговите сложени сезони.
Во текот на ноќта, сончевата енергија не може да собере енергија за производство на електрична енергија, што ги провоцира истражувачите да замислат „анти соларен“ панел, кој е дизајниран да работи и дење и ноќе.
Џереми Мундај, професор по електротехника и компјутерско инженерство на Универзитетот во Калифорнија, доаѓа до решение со корекција на традиционалните соларни панели, кои се ладни панели насочени кон светло и топло сонце за да апсорбираат енергија и да генерираат моќ од него. Панелите од Мундај работат обратно од традиционалните соларни панели т.е. терморадијативните ќелии би се загревале и насочувале кон ноќното небо, многу поладен објект. Објектот што е врел во споредба со неговата околина ќе зрачи со топлина како инфрацрвени светла. Студијата е објавена во американскиот „Научен журнал Џул“.
„Редовната соларна ќелија генерира енергија со апсорбирање на сончевата светлина, што предизвикува појава на напон низ уредот и проток на струја. Во овие нови уреди, светлината се емитува, а струјата и напонот одат во спротивна насока, при што се создава енергија “, се вели во изјавата на Мундај. „Според ова, треба да се користат различни материјали, но сепак физиката е иста“.
„Анти-соларните“ панели на Мундај можат да произведат 50 W електрична енергија на метар квадратен, што е 75 отсто помалку отколку што произведуваат традиционалните соларни панели во текот на денот, но сепак и тоа е чекор напред во развој на оваа технологија.
(Автор на текстот е Зоран Митрески, експерт за соларна енергија од компанијата „Ефикс Електрикал“. Насловот е редакциски)