Нов тренд: Тетоважите инспирирани од вирусот ковид-19 стануваат сè попопуларни (ФОТО)
Иако можеби на прв поглед изгледаат депресивни и мрачни, овие тетоважи можат да бидат исклучително креативни и полни со здрав хумор.
Сите брзаме да оваа бурна 2020 година да ја доведеме до крај и што побрзо да заборавиме на сè што се случи во претходните неколку месеци. Сепак, научивме важни лекции – да се грижиме за сопственото и за здравјето на другите луѓе, а некои дури и дојдоа до идеја да го украсат своето тело со тетоважа што ќе ги потсети на овој период.
Затоа тетоважите инспирирани од вирусот ковид-19 станаа последниот тренд во светот во изминатите неколку месеци.
Иако можеби на прв поглед изгледаат депресивни и мрачни, овие тетоважи можат да бидат исклучително креативни и полни со здрав хумор.
Меѓу најпопуларните цртежи се оние на кои луѓето сакаат да изразат благодарност до медицинските работници кои покажаа голема храброст и пожртвуваност за време на пандемијата.
Постојат и такви кои покажуваат заштитни маски за лице во различни контексти, понекогаш смешни, а многу од нив се однесуваат на миење раце, што најмногу ни беше препорачано за време на пандемијата, како една од мерките за заштита.
Похрабрите решија да го „украсат“ своето тело со тоалетна хартија како еден од главните симболи на пандемијата, со оглед на количините во кои луѓето ја купуваа.
– Веројатно ќе сториме многу повеќе во следните неколку месеци, дури и откако работите ќе се вратат во нормална форма. Во моментот, сè е прилично свежо и никој навистина не знае на кој пат ќе оди оваа пандемија – објаснува сопственикот на студиото за тетовирање, Џош Јанг, кој додава дека дури направил натписи на кожа, како што е: „Го преживеав ковид-19“.