📽️ НОВ СКАНДАЛ НА ЛАЖНИОТ БУГАРСКИ СВЕШТЕНИК Навредуваше министерка пред бугарското МНР
Лажниот бугарски свештеник Атанас Стефанов пак го привлече вниманието на јавноста. Овојпат тој ја пресретна колоната на бугарската министерката за надворешни работи и ѝ упатуваше навреди.
Бугаринот Атанас Стефанов, кој често се појавува на јавни места и се претставува како свештеник, направи нов инцидент пред Министерството за надворешни работи во Софија.
Тој застана пред службеното возило во кое се наоѓала министерката Надежда Нејнски и извикувал клетви и навреди кон неа, а снимката од настанот беше објавена на социјалните мрежи.
Стефанов го пресретнал службеното возило на министерката. Потоа почнал да извикува навреди и клетви.
Настанот предизвикал внимание во јавноста.
Атанас Стефанов не е дел од свештенството на Бугарската православна црква. Во последниве години предизвикал повеќе инциденти. Според бугарските медиуми, неодамна влегол во партиска канцеларија и се однесувал агресивно кон присутните.
Минатата година се фрлил пред колоната на украинскиот претседател Володимир Зеленски во центарот на Софија. Полицијата тогаш го привела.
Претходно бил агресивен и кон поранешниот премиер на Бугарија Кирил Петков.
Навредувал и членови на неговата партија.