Нов протест на угостителите и индустријата за организирање свадби поради изоставување од мерките
Тие најавуваат дека ќе протестираат се додека не добијат дозвола за работа под истите протоколи што важат и за останатите угостителски објекти.
Угостителите и утре ќе излезат на протест. Повторно ќе ја блокираат главната крстосница во Автокоманда, а во среда се селат пред Влада, објави Сител.
Велат дека откако јавно ги изнесоа своте барања на протестот во петок, никој од Владата и Министерството за економија не ги исконтактирал. Ќе протестираат се додека не добијат дозвола за работа под истите протоколи што важат и за останатите угостителски објекти.
Маката на угостителите ја делат и другите поврзани дејности. Ако нема свадби и други веселби нема работа и за нив.
Од Владата со истиот став. Протоколите ги носи Комисијата за заразни болести и нема што да додадат. Министерот Бектеши во петокот изјави дека угостителите добиле доволно помош од државата и не се согласува со ултиматумите што ги испратиле.
Утрешниот протест ќе трае од 15 до 17 часот.