НОВ ПОЖАР КАЈ БОГОМИЛА Огнот го „бакнува“ асфалтираниот пат кон селото Стровија (ВИДЕО)

Густ чад, смрдеа на изгорена шума. Ваква е сликата попладнево на новиот пат што ги спојува велешкото село Богомила и прилепското село Стровија.

Читатели на Плусинфо ни испратија видео од пожарот кој се шири покрај патот, безмилосно голтајќи ја нискостеблестата шума.

Претходно, пожар избувна и кај стојалиштето Ореше, веднаш откако возот на релација Богомила-Велес ја одминал железничката станица. Како што информираа од ТППЕ Велес, пожарникари со две возила веднаш се вклучиле во гаснење на пожарот.

Пожарот за МИА го потврдија одговорните и од Железничката станица во Велес, а за тоа дали е настанат поради искрење на тркалата врз шините, велат дека ќе покаже истрагата.

Поради пожарот привремено за 40-тина минути беше запрен железничкиот сообраќај на овој дел од пругата, односно стопиран е патничкиот воз Скопје – Велес – Битола, кој на овој опожарен дел според возниот ред поминува нешто по 16 часот.