Нов коронавирус е пронајден кај свињи, има потенцијал на ширење и кај луѓето

Ново истражување на Универзитетот во Северна Каролина сугерира дека видот на коронавирусот кој неодамна ја алармирал свинската индустрија би можел да има потенцијал да се прошири и на луѓето, пишува Б92.

Лабораториските тестови од Универзитетот покажале дека новиот вирус SADS-CoV може да се размножува во клетките на белите дробови кај човекот, во клетките на дишните патишта и на цревата.

Тоа сугерира дека овој коронавирус може да влијае и на луѓето, иако до денеска не се познати такви случаи. Поради ова истражувачите интензивно го следат овој вирус.

Видот на коронавирусот, познат како коронавирус синдром на свинска акутна диареја, настанал од лилјаци и заразил стадо на свињи во Кина откако првпат е откриен во 2016 година. Во Кина изминативе години имало неколку епидемии на болести предизвикани од синдромот на акутна диареја на свињите.

Потенцијалната закана на вирусот за луѓето претставена е во лабораториските тестови во Чапел Хил, покажувајќи дека SADS-CoV ефикасно се реплицира во човечките дишни патишта и во клетките на цревата. Наодите се објавени на 12 октомври.

Целиот текст ТУКА