📽️ НОРВЕШКИ БИАТЛОНЕЦ ОСТАНА БЕЗ ПРОШКА ПО НЕВЕРСТВОТО Девојката на Лагреид стави крај на врската

Откако норвешкиот биатлонец Штурла Холм Лагреид (28), бронзен медалист на Олимписките игри во 2026 година, пред камерите призна дека ја изневерил својата девојка и со солзи побарал прошка, јавноста со нетрпение го очекуваше одговорот од другата страна.

– Постои некој со кој сакав да го споделам ова, а најверојатно тој не го гледа ова. Пред шест месеци ја запознав љубовта на својот живот, а пред три месеци направив голема грешка и ја изневерив. Бев неверен и морав да ѝ ја кажам вистината. Тоа ми беше најтешката недела во животот – рече Лагреид.

Norsk OS-intervju tog en oväntad vändning

Efter att ha tagit brons i skidskyttarnas första individuella OS gren, bakom lagkamraten Johan Olav Botn och fransmannen Éric Perrot, stod Sturla Holm Lægreid för en oväntat känslosam intervju.
Den 28 år gamla norrmannen träffade 19 av… pic.twitter.com/vrs65Ncxd9

— Existenz.se (@Existenzse) February 10, 2026

По шест месеци врска, девојката не му даде втора шанса. Во писмо до норвешкиот весник VG, таа напиша: „Дури и по изјава за љубов пред целиот свет, тешко е да се прости. Не избрав да бидам ставена во оваа позиција и ме боли што морам да бидам во неа. Во меѓувреме имавме контакт и тој знае што мислам за ова.“

Таа додаде дека е благодарна на своето семејство и пријателите кои ја поддржувале во овој тежок период, како и на сите кои ѝ мислеле добро, без да ја откријат.

По објавата на писмото, VG го контактираше Лагреид за коментар, но олимпискиот медалист одби да се изјасни, пренесува „Дејли Меил“.