„НИВНА РАБОТА, ИОНАКА СЕ ДУПЛО ПОНЕРАЗВИЕНИ ОД НАС“ Хрватскиот претседател ги коментира „Рафалите“ кои Србија ќе ги купува од Франција

Лудо е да се очекува дека Париз и Белград ќе склучат пакт против Загреб откако Србија објави дека ќе купи 12 нови француски борбени авиони „Рафал“, смета хрватскиот претседател Зоран Милановиќ. Коментирајќи ја посетата на францускиот претседател Емануел Макрон во Србија, Милановиќ вели:

– Точно, сè оди добро за Вучиќ. Нивна работа. Тоа се српски работни места, во позитивна смисла на зборот. Мене тоа не ме засега, а нам не нè засега – изјави Милановиќ, пренесе Н1.

Хрватскиот претседател потоа се осврна на поновата историја и каде била Србија пред распадот на Југославија.

– Кога ќе погледнете каде беше Србија во 1990-тите, кој беше нејзиниот потенцијал, Војводина, Србија некаде до Крушевац на пример, тој средноевропски дел, неговиот степен на индустријализација, образование, работна сила, индустриска традиција, тие требаше да бидат поразвиени од Романија – изјави Милановиќ и додаде:

– Денес тие се двојно понеразвиени, а повеќе од двојно поголеми од Хрватска. И тоа е факт, тоа се бројки, а сè друго е парада – рече тој.

За Милановиќ, договорт меѓу Србија и Франција за купување „Рафали“ тежок 2,7 милијарди е парада.

– Исто како што Србија купува француски и кинески првокласни противвоздушни системи, руските тактички оружја се можеби најдобри во светот… Ние немаме ништо од тоа. Значи, ја имате владата во Србија која се вооружува, а всушност се вооружува за една недела за некоја фиктивна војна која никогаш нема да избие, а Хрватска на ист начин се вооружува за помалку од една недела – изјави тој.

На новинарско прашање за српската алијанса со Франција, Милановиќ рече дека не сака да зборува за тоа, бидејќи Хрватска е таа што е членка на НАТО.

– Јас бев првиот хрватски дипломат во НАТО, бев првиот национален координатор за НАТО, додека не ја напуштив таа служба, имам и некои емоции кон тоа НАТО, колку и да е фалично и насилно во некои работи, а непромислено. Но, која е поентата да се зборува што Франција како членка на НАТО сега ќе прави со Србија против Хрватска. Тоа е лудост – изјави хрватскиот претседател.

Тој, сепак, додаде дека нешто може да се научи од посетата на Макрон на Србија.

– Дека Франција гледа само на своите, Американците само на своите – заклучи Зоран Милановиќ.

Од друга страна, во 2021 година Хрватска потпиша договор со Франција за купување на 12 половни француски борбени авиони „Рафал“ во вредност од 999 милиони евра. Првиот шест од нив слетаа во Хрватска на 25 април оваа година. Авионите ги управувале хрватски пилоти кои 15 месеци се обучувале за нивно користење.

Во меѓувреме, хрватската влада најави враќање на задолжителниот рок од 1 јануари в година, а Милановиќ смета дека тоа не е идеја за отфрлање, туку прашува колку луѓе планира Хрватска да мобилизира.

– Јас сум одговорен за општата состојба на армијата, а не Пленковиќ и Анушиќ. Одбранбената комисија ќе се состане и ќе разговара, јас и Пленковиќ ја свикуваме, тоа е сосема јасно. Немам негативно мислење за идејата, но треба да видиме што ни недостига – изјави Милановиќ.

Тој праша кому му текнало воениот рок да трае осум недели.

– Осум недели е базата, потоа треба да се специјализираат – смета претседателот на Хрватска и повторува дека „ништо од ова не може да се направи без договор“.