📽️ „НИШТО НЕМА ДА МЕ ОДВРАТИ, ЌЕ ПОБЕДАМ ВО ОВАА ВОЈНА!“ Се огласи Нетанјаху по нападот врз неговиот дом
Во видеото објавено од весникот „Тајмс оф Израел“, Нетанјаху облечен во црна маица се движи во парк и носи очила за сонце.
Ништо нема да ме одврати. Ќе победам во оваа војна, изјави премиерот на Израел Бенјамин Нетанјаху во првото јавување откако неговиот дом во Цезареја, на северот на Израел, беше нападнат со беспилотно летало од Либан, објави „Тајмс оф Израел“.
-Знаете, пред два дена го убивме масовниот убиец Јахја Синвар и како што реков, ние сме во војна каде што се бориме за опстанок. Продолжуваме до крај. Сакам да кажам уште една работа, а тоа е дека сум горд на нашите војници, команданти и горд сум на граѓаните на Израел – рече Нетанјаху.
Во видеото објавено од весникот, Нетанјаху облечен во црна спортска кошула се движи во парк и носи очила за сонце.
Нетанјаху потоа зборуваше на англиски и го нарече Синвар „мозок на терорист, поради чии злосторства израелски мажи беа обезглавени, жени беа силувани, а бебињата беа запалени живи“.
„Се ослободивме од него и ја продолжуваме борбата против другите проирански групи“, рече тој.
🚨Netanyahu’s response to the drone attack that hit his private residence earlier today: pic.twitter.com/dCm2uJuFMT
— Barak Ravid (@BarakRavid) October 19, 2024
Утринава портпаролот на Нетанјаху изјави дека премиерот на Израел не бил во куќата кога се случил нападот и дека нема повредени