Нинџа ѝ се пожалил на Русковска дека му се заканувале осуденици за крвавиот четврток
Александар Василевски -Нинџа, еден од осудените за „27 април“, денеска од затворот во Штип бил донесен во Обвинителството за организиран криминал и корупција, објави телевизија Алфа.
Можеби ќе ве интересира
– Александар Василевски е повикан во Обвинителството да даде исказ откако преку Управата достави известување дека добивал закани од другите осуденици за 27 април – велат од ОЈО за гонење организиран криминал за Алфа.
Нинџа, е еден од сведоците на обвинителството за организаторите на крвавиот четврток, процес кој почна во февруари годинава, а во кој се осомничени поранешниот собраниски спикер Трајко Вељаноски, ексминистрите Миле Јанакиески и Спиро Ристовски и бившиот директор на УБК, Владимир Атанасовски.