Николовски: Заев да не ги троши украдените пари за пи-ар стратегии, ќе му требаат после избори за адвокати

Прави Зоран Заев анкети како што правиме ние и знае дека дебело губи и на ниво на држава и во четвртата изборна единица и затоа слушам со овие украдени пари кои што ги краде од сите вас тука порано ги крадеше само од Струмица затоа што беше најкрими градоначалник кој што градот било кога го имал, сега ги краде од цела држава. Со тие украдени пари ангажирал една ПИ-ар агенција од Србија да му помага што да прави во четвртата изборна единица и седнале во Скопје, па им објаснуваат што е четвртата изборна единица кои има таму, кои се проблеми итн. Ама ја утнале работата, Скопје е во првата изборна единица, не е во четвртата изборна единица, Струмица е во четвртата изборна единица, порача потпретседателот на ВМРО-ДПМНЕ и носител на листата во изборна единица 4 Александар Николовски од Струмица.

Николовски го повика Заев да не ги троши, како што рече, украдените пари бидејќи ќе му требаат за адвокати после избори и тоа за поприличен број на адвокати и него и неговите пајташи.

Николовски нагласи дека во проектот Обнова за Македонија сериозен дел е посветен на владеење на правото.

– Во  нашата програма обнова на Македонија имаме сериозен  дел кој што е посветен на владеење на правото. Ќе ги промениме законите за парнична и процесна постапка, за да не може три месеци судијата да заборава да свика рочиште па да почнуваат од почеток судењата. Да не може некој  поротник намерно да се става пред пензија па да стигне до  некаде судењето па да се враќа назад. Да не може по фиока да се чуваат предмети, да не може да се уценуваат луѓе. И да не може  тие што се во бизнис криминална коалиција со било кога да им се завлекуваат судењата. На тоа ќе ставиме точка, имаме добар тим кој што ќе  ја направи таа работа, посочи Николовски.

Втора работа. Потекло на капитал, секој што се занимавал со  јавна функција во овие 30 години да си  го докаже потеклото на капиталот и богатството кое што го има. Да видиме кој како  заработил. Ако  може да докаже со среќа да му  е чесно го заработил ако не може како што е редот во секоја нормална европска држава 70 отсто да си го оданочи од државата да си  оди назад кај  народот тоа што е украдено и плус кривично да си одговара – рече тој.

Николовски рече дека петти ден по ред го повикува Заев да излезе да каже дали може да го докаже потеклото на своето богатство и капитал и на своето семејство.

– Пет дена го повикувам Зоран Заев да излезе и да каже дали е во можност да излезе и да си го докаже потеклото на имотот потеклото на богатството на неговото семејство кое што во овие 18 години колку што е вкупно на власт стана најбогато семејство во Македонија и најбогато  семејство на Балканот. Пет дена го повикувам, пет дена не дава одговор затоа што одговорот е јасен. Ние тој закон ќе го донесеме и има да се испита на секого на кој  начин и како  се стекнал  со богатството – нагласи Николовски од струмичкиот плоштад.